فرص رائعة

احدث عروض التخسيس و النحافة في مصر تابع الصفحة تحصل على كل العروض

Tuesday, December 12, 2017

Thursday, December 7, 2017

هل يتم الغاء شهادات الاستثمار مرتفعة العائد ٢٠٪ في مصر

قال رئيس البنك الأهلي إن الاكتتاب في شهادات الاستثمار مرتفعة العائد (16 و20%)، مستمر، ولن يتم إلغاؤها في المرحلة الحالية.

وأضاف عكاشة  على هامش منتدى الاستثمار في أفريقيا المقام بمدينة شرم الشيخ، إن حصيلة البنك من هذه الشهادات، منذ إصدارها حتى الآن بلغت 400 مليار جنيه. 

Monday, September 4, 2017

هل تصبح من أقوى اقتصاد في العالم عام ٢٠٣٠

إيه علاقة شركة PwC بالسيسي؟!
وإيه علاقة كل ده بالأوضاع في مصر؟!
#خليني_أقولك

المقال بالكامل منقول عن صفحة الاستاذ مصطفى الطوبجي على الفيس بوك
شكرا له و نحن نشاركه من اجل الفائدة

الى المقال

اللي متابع الشأن الاقتصادي، يعرف شركة PwC، تاني أكبر شركة في مجال الخدمات المالية (تحليل بيانات - استشارات مالية وضريبية وإدارية واستراتيجية).

الشركة دي أصدرت تقرير عن الدول اللي هتبقى صاحبة أقوى اقتصاد على مستوى العالم سنة 2030، والتقرير مبني على أساس بسيط جدا، الناتج المحلي الإجمالي للدول دي، المتوقع الوصول إليه من خلال القوة الشرائية (PPP)
من ضمن الدول دي مصر، بحجم اقتصاد يصل 2.049 تريليون دولار.

طيب هل ده منطقي؟!
أقولك برضه...
مستغرب جدا من اللي بيقول مفيش رؤية، ومفيش خطة معينة، مع إنه في مشروع ورؤية اسمها مصر 2030 (أطلقت عام 2014)، والرؤية دي لها موقع رسمي فيه تقارير وملفات، ممكن تتفق أو تختلف معاها، بس ماينفعش تقول مش موجودة.

بالتالي لما شركة زي PwC تصدر تقرير اقتصادي زي ده، فهو بناء على رؤية مستقبلية، وكمان خطوات تمت على أرض الواقع، ودي برضه ماينفعش تقول محصلش، لأن في صفحة رسمية فيها كل المشاريع اللي تمت، تعجبك أو لأ دي حاجة ترجعلك، بس ماينفعش تقول مش موجودة

إيه علاقة ده بالأوضاع في مصر؟!
أقولك بقى...
الخلاف الدائم بيني وبين المعترضين على وجهة نظري، بيتلخص في نقطة واحدة.
الوضع الاقتصادي الحالي السيء للمواطن المصري (اللي محدش ينكره)، هل هو نتيجة فشل اقتصادي؟! ولا دي أعراض جانبية سلبية حتمية لخطة اصلاح اقتصادي؟!

إجابة السؤال الحيوي ده مكنش ينفع تبنى على تأييد أو معارضة السيسي، لأنه في الحالتين هتبقى الإجابة مبنية على أهواء شخصية، بالتالي الحل كان في دراسة تجارب اللي قبلنا، التجربة الماليزية والسنغافورية والتركية والصينية، وقراءة في الاقتصاد البرازيلي والهندي والجنوب أفريقي، ومن كل ده طلعت بثلاثة ملحوظات
1- مفيش تجربة وردية، كل التجارب كان لها أثار جانبية سلبية على المواطنين
2- مفيش تجربة ممرتش بلحظات فشل، ومفيش تجربة نجحت في خلال 3 أو 4 سنين
3- غالبية التجارب كان وراها شخص أو حزب، ظل في الحكم سنوات طويلة

بناء على كل ما سبق، تقرير زي بتاع PwC منطقي جدا، وعلشان تقرير زي ده وتقارير مشابهة، أنا عندي يقين إننا هنوصل وننجح.

ملحوظة_١ :- مش معنى كده إن كل حاجة عندنا صح، طبعا في أخطاء، ولسة في فساد، وفي اجراءات كان ممكن تقلل من الأثار السلبية
ملحوظة_٢ :- النقطة رقم 3 ليست مبرر لتعديل الدستور، لازال رأي ثابت، وضد تعديل الفترة الرئاسية
ملحوظة_٣ :- في تقرير آخر للقوى الاقتصادية عام 2050، ظلت مصر من ضمن الدول ذات الأقوى معدل نمو اقتصادي

المصادر
=====؛
https://goo.gl/ZpwQMB
https://goo.gl/CJMMG7
https://goo.gl/MByzRW
https://goo.gl/884G56
https://goo.gl/mVBBMS

مصر اليوم